Oʼzbekiston Respublikasi Prezidentining tadbirkorlar bilan “Ochiq muloqoti”ga tayyorgarlik borasida

Oʼzbekiston Respublikasi Prezidentining tadbirkorlar bilan “Ochiq muloqoti”ga tayyorgarlik koʼrish doirasida Bosh vazir oʼrinbosari S.Umurzakov tomonidan Fargʼona viloyatida tadbirkorlar hamda vazirlik va tashkilotlar maʼsul rahbarlari bilan videokonferentsiya orqali muloqot oʼtkazildi.

Muloqotda tadbirkorlarning murojaatlarini qabul qilish va tahlil etish boʼyicha Shtabga yuborilgan masala va takliflar muhokama qilindi. Mazkur muloqotda Savdo-sanoat palatasi raisi А.Ikramov ishtirok etib oʼz fikr va takliflarini taqdim etdi.

Shuningdek, Fargona viloyati studiyasidan Savdo-sanoat palatasi boshqarma boshligʼi D.Xamraev va Namangan viloyati studiyasidan Savdo-sanoat palatasi Raisi oʼrinbosari U.Аbdullaevlar ham ishtirok etdi.

Muloqotda tadbirkorlarning Oʼzbekistondagi ishbilarmonlik muhitini yaxshilash boʼyicha konstruktiv takliflarini atroflicha oʼrganib chiqish va indivudual xarakterga ega boʼlgan murojaatlarni qisqa muddatlarda ijrosini taʼminlash kabi masalalar borasida soʼz bordi.

Har bir murojaat ijrosi batafsil oʼrganilmoqda.

SSP Matbuot xizmati