Tadbirkorlar muammolari o'z yechimini topmoqda

Toshkent viloyatida tadbirkorlik subyektlarini har tomonlama qoʼllab-quvvatlash, tadbirkorlar faoliyatidagi muammolar, qiyinchiliklar va toʼsiqlarni aniqlab, ularni bartaraf etishga koʼmaklashish borasida izchil ishlar olib borilmoqda.

Oqqoʼrgʼon tumanida Toshkent viloyati hokimi boshchiligida mutassaddi tashkilot rahbarlari ishtirokida turli tarmoqlarda faoliyat yuritayotgan tadbirkorlik subyektlari bilan uchrashuv boʼlib oʼtdi.

Uchrashuvda 100 ga yaqin tadbirkorlik subʼektlarining murojaatlari va takliflarini tinglandi. Xususan, yer ajratish, kredit, elektr taʼminoti, soliq imtiyozlari kabi 10 ga yaqin masalalar koʼrib chiqildi.

Mavjud muammolar  ijrosi yuzasidan tegishliligi boʼyicha mutasaddi boshqarmalar rahbarlari, tijorat banklari va soliq organlari vakillariga  aniq vazifalar yuklatildi.

Qonuniy jihatdan qanoatlantirish imkoniyati mavjud boʼlmagan murojaatlar boʼyicha tadbirkorlarga tushunchalar berildi, hamda loyihalarini takomillashtirish boʼyicha amaliy yordam berilishiga kelishildi.

SSP Matbuot xizmati