“Biznes va tadbirkorlik oliy maktabi” bitiruvchilari uchun ekskursiya tashkil etildi.

Savdo-sanoat palatasi Qashqadaryo viloyat hududiy boshqarmasi va “Biznes va tadbirkorlik oliy maktabi” Qashqadaryo viloyat filiali bilan hamkorlikda qisqa muddatli oʼquv kurslarni tamomlagan xotin-qizlarni kelgusida oʼz tadbirkorliklarini boshlashlari uchun tadbirkorlik faoliyatlariga kerakli boʼlgan uskuna va texnikalar bilan tanishtirish maqsadida Savdo-sanoat palatasi Qashqadaryo viloyat hududiy boshqarmasi binosida tashkil etilgan minitexnologiyalar yarmarkasi tashkil etildi.

“Biznes va tadbirkorlik oliy maktabi” yoshlar,  xotin-qizlar va aholining turli qatlamlarini kichik biznes va tadbirkorlikka oʼqitish va ularni malakalarini oshirish bilan shugʼullanadi.  Oliy maktab oʼquvchilarga tadbirkorlikka oid nazariy bilimlarni maʼruza shaklida berish, tinglovchilarda tadbirkorlik boʼycha aniq tasavvur paydo qilish uchun mahorat darslarini oʼtish va ularni malakalarini oshirish borasida ishlar olib boradi.

Bugungi kungacha maktabni 300 dan ortiq oʼquvchilar tamomladi. Mahorat darslarini malakali tadbirkorlar master-klass tarzida oʼtishadi. Hozirgi kunga qadar bitiruvchilarning qariyb 90% dan ortigʼi tadbirkorlik bilan shugʼullanmoqda.

Tashkil etilgan mazkur koʼrgazmada ham oʼquv kursini bitirgan xotin-qizlarning tadbirkorliklarini boshlashlari uchun kerakli uskunalarning ishlash jarayonlari bilan tanishtirish barobarida 5 nafar xotin-qizlar uskuna xarid qilish uchun shartnoma imzolashdi.

SSP Matbuot xizmati