Qashqadaryo viloyatida sayyor qabullar davom etmoqda.

Viloyat hokimi Zoyir Mirzaev Kasbida “Andijon tajribasi”ni tatbiq etish bo‘yicha seminarda ishtirok etmoqda.

"Mahallabay" ishlash tizimi asosida ijtimoiy-iqtisodiy rivojlanishdan ortda qolayotgan va ishsizlik darajasi yuqori bo‘lgan " og‘ir" mahallalarda tadbirkorlikni yanada qo‘llab-quvvatlash hamda tadbirkorlik sub'ektlari va xonadonlar o‘rtasida iqtisodiy kooperatsiyani kengaytirish maqsadida Kasbi tumanidagi 3 ta mahallada (Do‘stlik, Komilon, Yuksalish) “Andijon tajribasi” asosida broyler boqishni yo‘lga qo‘yish masalasida muhokama uchrashuvi bo‘lib o‘tmoqda.

Kasbi tumanidagi 3 ta mahallada (Do‘stlik, Komilon, Yuksalish)  “Andijon tajribasi” asosida broyler va "Afrika laqqasi" boqish eksperiment qilinadi. Taqdimotda aytilishicha, ishsiz bo‘lgan fuqarolarni o‘z-o‘zini bandligini ta'minlashi uchun "og‘ir" mahallalardan tanlab olingan 120 nafar fuqaroga broyler jo‘jalari beriladi.

Ta'minotchi tomonidan boqib beruvchiga jo‘jalarning oziq-ovqati, emlanishi ta'minlanadi.  Boqib tayyorlangan broyler va intensiv baliqlarni ta'minotchi tadbirkorning o‘zi sotib oladi. Shuningdek, eksperiment natijasiga qarab, qayta ishlash mexanizmlari ham yo‘lga qo‘yilishi mumkin.

SSP Axborot-xizmati