"Yoshlar daftari"ga kiritilgan yoshlar uchun maxsus oʼquv kurslarining navbatdagi bosqichi boshlandi

Sergeli tumanida "Har bir tadbirkor - yoshlarga madadkor" tamoyili asosida "Yoshlar: 1+1" dasturi doirasida ishsiz yoshlarni tadbirkorlikka oʼqitish boʼyicha tizimli ishlar amalga oshirilmoqda.

Kuni-kecha Savdo-sanoat palatasi tomonidan "Yoshlar daftari"ga kiritilgan yoshlar uchun tadbirkorlik va biznesni ochish hamda rivojlantirish boʼyicha maxsus oʼquv kurslarining navbatdagi bosqichi boshlandi. 

Hozirda 20 nafar yosh boʼlajak tadbirkorlar maxsus oʼquv kurslariga muntazam faol ishtirok etishmoqda.

Sergeli tuman Yoshlar ishlar agentligi raxbari Malikov. X “Biznesga kirish yoʼllari. Qanday qilib tadbirkor boʼlish mumkin” mavzusida yoshlarga dars oʼtdi.

Shuningdek, kurs doirasida bank hodimlari hamda muvaffaqiyatga erishgan tadbirkorlar tomonidan mahorat darslari oʼtkazish rejalashtirilgan.

Oʼquv kurslardan koʼzlangan asosiy maqsad, ishsiz yoshlarni kasb-hunarga va tadbirkorlikka jalb etish va ularni kelajakdagi tadbirkorlik faoliyatida zarur boʼlgan bilim va koʼnikmalarni oshirishdan iborat.

SSP Axborot-xizmati