30 nafar yoshlar test sinovidan oʼtkazildi

Xabaringiz bor, Toshkent tumanida  ishsiz va uyushmagan yoshlarni kasb va tadbirkorlikka oʼqitish, mablagʼ bilan taʼminlash ularda biznes koʼnikmalarini shakllantirish, imtiyozli kreditlar ajratib, oʼz faoliyatini boshlashlariga koʼmaklashish maqsadida “Har bir tadbirkor-yoshlarga madadkor” tamoyili asosida “Yoshlar: 1+1” dasturi doirasida oʼquv kurslariga  start berilgan.

Oʼtgan vaqt mobaynida dastur doirasida oʼqigan yoshlarning deyarli barchasiga sertifikat berilib, oʼz bizneslarini boshlashlari uchun kredit ajratildi.

“Yoshlar:1+1” dasturining 8-guruh yoshlari uchun tashkil etilgan maxsus oʼquv kurslarida ham Savdo-sanoat palatasi Toshkent viloyati boshqarmasi tasarrufidagi Tadbirkorlikka koʼmaklashish markazi tuman boʼlinmasi, tijorat banklari, Davlat xizmatlari markazi, Davlat soliq inspektsiyasi tuman boʼlimi va boshqa taalluqli hamkor tashkilotlarning malakali mutaxassislari tomonidan biznesga yoʼnaltirish boʼyicha darslar oʼtildi.

Oʼtkazilgan test sinovlari natijasiga koʼra, 30 nafar bitiruvchidan 30 tasi yaʼni 100 % koʼrsatkich bilan test sinovlaridan oʼtishga muvaffaq boʼlib, imtiyozli kredit olish uchun beriladigan sertifikat egasi boʼlish imkonini qoʼlga kiritdi.

SSP Axborot-xizmati