Butunjaxon xunarmandlar kengashining Osiyo va Tinch okeani mintaqasi boshqaruv kengashining navbatdan tashqari yigʼilishi boʼlib oʼtdi

Joriy yilning 26 avgust sanasida Butunjaxon xunarmandlar kengashining Osiyo va Tinch okeani mintaqasi boshqaruv kengashining navbatdan tashqari yigʼilishi boʼlib oʼtdi.

Yigʼilishdagi asosiy masalalardan biri Butunjaxon xunarmandlar kengashiga 2022-2024 yillarda Prezidentlik qilish uchun Osiyo va Tinch okeani mintaqasidan nomzodlarni ilgari surish boʼldi. Undan tashqari hunarmandlarga taqdim etiladigan halqaro sifat sertifikatini joriy etish boʼyicha yangi muddatlarni belgilash  va shu kabi tashkiliy masalalar ham muhokama etildi.

Tadbir davomida butunjaxon xunarmandlar kengashining Osiyo va Tinch okeani mintaqasi Prezidenti А.Ikramov Butunjaxon xunarmandlar kengashining Prezidentligiga nomzod sifatida Osiyo va Tinch okeani mintaqasidan kelib tushgan 3 ta nomzod:
Enrik Ong (Malayziya), Saad al-Kaddumi (Quvayt) hamda Puya Maxmudian (Eron) bilan yigʼilish ishtirokchilarini tanishtirdi.

Shu bilan bir qatorda, hunarmandchilik masalalarida xozirgi paytda pandemiya va boshqa baʼzi bir siyosiy masalalar sababli mamlakatlarda hunarmandlar tomonidan aʼzolik badali  toʼlana olmayotganligi sababli,  Butunjaxon xunarmandlar kengashi Osiyo va Tinch okeani mintaqasining aʼzo tashkilotlari 2020-2021 yillardagi aʼzolik badallarini vaqtinchalik toʼlamaslik boʼyicha qilgan murojaatlari ham toʼliq qanoatlantirildi. 

Yuqorida koʼrsatilgan masalalar yuzasidan tashkilot aʼzolarining munosabatini oʼrganish maqsadida 2021 yilning 26-oktyabrda tashkilotning navbatdan tashqari Bosh Аssambleyasini oʼtkazish masalasi kelishib olindi.

SSP Axborot-xizmati