SSP raisining Gretsiya Respublikasining Favqulodda va Muxtor Elchisi bilan uchrashuvi

Joriy yilning 8 sentyabr kuni Savdo-sanoat palatasida SSP raisi A.Ikramov va Gretsiya Respublikasining Oʼzbekistondagi Favqulodda va Muxtor Elchisi (qarorgoxi Moskva shahrida) Y.Nassika oʼrtasida uchrashuv boʼlib oʼtdi.

Uchrashuvda ikki tomonlama savdo-iqtisodiy va sarmoyaviy hamkorlik, shuningdek, Oʼzbekiston va Gretsiya oʼrtasidagi ishbilarmonlik hamkorligini mustahkamlash masalalari muhokama qilindi.

Uchrashuv davomida xorijiy mehmonlarga mamlakatimizning iqtisodiy imkoniyatlari va sarmoyaviy salohiyati haqida maʼlumot berildi.

Oʼzbekistonda hunarmandchilikni rivojlanayotganligi va ushbu yoʼnalish ikki tomonlama hamkorlik uchun yana bir imkoniyat ekanligiga aloxida eʼtibor qaratildi.

Oʼz navbatida, Gretsiya Respublikasining Favqulodda va Muxtor Elchisi Y.Nassika soʼnggi yillarda Gretsiya va Oʼzbekiston oʼrtasidagi munosabatlarda ijobiy dinamika kuzatilganini qayd etdi. Iqtisodiyot va madaniyat sohasidagi aloqalar sezilarli darajada kuchayganini taʼkidlab oʼtdi.

Shuningdek, transport sohasidagi hamkorlikni rivojlantirish, xususan, Toshkent-Аfina, Samarqand-Salonikiga havo aloqalarini oʼrnatish zarurligi muhokama etildi, bu esa oʼz navbatida oʼzaro sayyohlik oqimini koʼpaytirishga yordam beradi.

Tadbir soʼngida tomonlar ikki mamlakat ishbilarmon doiralari oʼrtasidagi munosabatlarni rivojlantirish maqsadida kelgusida hamkorlik qilishlariga umid bildirishdi.

SSP Axborot-xizmati