Oqoltin tumanida navbatdagi sayyor qabul oʼtkazildi

Davlatimiz rahbarining aholi murojaatlari bilan ishlash tizimini mutlaqo yangicha tashkil qilish yuzasidan bergan topshiriqlari ijrosini taʼminlash maqsadida Sirdaryo viloyati prokuraturasi organlari tomonidan muntazam sayyor qabullar oʼtkazilmoqda.

Joriy yilning 8 sentyabr kuni Sirdaryo viloyati prokurori Oqoltin tumanida oʼtkazilgan sayyor qabul davomida 64 nafar fuqarolar ishtirok etdi. Ulardan 23 ta murojaatlar kelib tushgan boʼlib, ushbu murojaatlarning 14 tasi qanoatlantirildi, 1 ta murojaat yuzasidan huquqiy tushuntirishlar berildi hamda 8 ta murojaat ijrosi nazoratga olindi.

Uchrashuv soʼngida, “Yoshlar daftari”ga kiritilgan 3 nafar yoshga tadbirkorlik faoliyatini boshlashi va oʼzini-oʼzi band qilishi uchun motokulьtivator va tikuv dastgohlari hamda 4 nafariga haydovchilik guvohnomalari olish uchun toʼlov sertifikatlari berildi.

Shuningdek, “Аyollar daftari”ga kiritilgan 10 nafar ayolga tadbirkorlik faoliyatini boshlashi va oʼzini-oʼzi band qilishi uchun kredit ajratish toʼgʼrisidagi sertifikatlar topshirildi.

Viloyat prokurorining sayyor qabullari davom etmoqda.

SSP Axborot-xizmati