TOBB ETU Toshkent filiali rektori professor А.Ikramovning 2-kurs talabalari bilan uchrashuvi boʼlib oʼtdi

Joriy yilning 13 sentyabr kuni, Turkiya iqtisodiyot va texnologiya universiteti Toshkentdagi filialining yangi binosida universitet rektori А.Ikramov "Xalqaro biznes va tadbirkorlik" va "e-tijorat va texnologiyalarni boshqarish" taʼlim yoʼnalishlari boʼyicha 2 -kurs talabalari bilan anʼanaviy uchrashuv oʼtkazdi.

Rektor ikkinchi kurs talabalarini tabriklagan holda, “Bizning talabalar oʼquv jarayonining faol ishtirokchilari, biz jahon taʼlimidagi tendentsiyalarni yaxshi bilamiz va klassik universitetning zamonaviy va ilgʼor boʼlishi uchun zamon bilan hamnafasmiz.Bugun siz oʼzingizni eng zoʼr, yetakchi sifatida koʼrsatdingiz, shu bois kelajakdagi boshqa talabalarimiz uchun ham namuna boʼlasizlar deb umid qilamiz” deya taʼkidlab oʼtdi.

Uchrashuv davomida Oʼzbekiston Respublikasi hamda Turkiya Respublikasida talabalarning taʼlim olishini yanada takomillashtirish, yuqori malakali, ijodiy fikrlaydigan, xalqaro standartlarga asoslangan, qobiliyatli kadrlarni tayyorlash uchun zarur shart-sharoitlarni yaratish, oʼz intellektual qobiliyatlarini roʼyobga chiqarish uchun mustaqil qarorlar qabul qilish va maʼnaviy rivojlangan shaxs sifatida shakllantirish masalalari muhokama qilindi.

SSP Axborot-xizmati