Palata tomonidan tadbirkor manfaati himoya qilindi. 

O‘zbekiston Respublikasi Prezidentining 2020 yil 24 noyabrdagi “Sud xujjatlari va boshqa organ xujjatlarini ijro etish tizimini yanada takomillashtirish chora-tadbirlari to‘g‘risida”gi PF-6118-sonli Farmoni bilan Savdo-sanoat palatasiga qarzdor tadbirkorlik sub'ektlarining manfaatlarini ko‘zlab ijro xujjatlari yuzasidan ijroni kechiktirish yoki bo‘lib-bo‘lib ijro etish to‘g‘risidagi ariza bilan sudga va ijro xujjatini bergan boshqa organga murojaat etish huquqi berilgan.

Mazkur Farmonda berilgan vakolatdan foydalangan holda, O‘zbekiston Savdo-sanoat palatasi Toshkent shahar hududiy boshqarmasi tomonidan Palata a'zosi «O’ZAGROSERVIS» AJ manfaatida sudining 2021 yil 16 fevraldagi 4-1503-2001/539-sonli ijro varaqasiga asosan Respublika byudjeti foydasiga undirish haqidagi qaror ijrosini 6 oy muddatga kechiktirish so‘ralgan va sudning ajrimiga asosan ariza to‘liq qanoatlantirilgan.

SSP Matbuot xizmati