“Oʼzbekiston-Xindiston tadbirkorlikni rivojlantirish” markazi rahbarining Xorazm viloyatiga tashrifi

Oʼzbekiston Savdo-sanoat palatasining “Oʼzbekiston-Xindiston tadbirkorlikni rivojlantirish” markazi rahbari Professor Sanjiv Chaturberdi Palataning Xorazm viloyati hududiy boshqarmasiga tashrif buyurdi.

Tashrif chogʼida hududiy boshqarma xodimlari bilan uchrashuv va seminar oʼtkazildi. Uchrashuvda hududiy boshqarmaga aʼzo tadbirkorlarga xizmat koʼrsatish, huquqiy maslahat, biznes va tadbirkorlik asoslariga oʼqitish bilan bogʼliq masalalarda seminarlarni tashkil etish rejalashtirib olindi. 

Shu bilan birga, hududiy boshqarma xodimlariga Hindiston Tadbirkorlikni rivojlantirish institut faoliyati va ushbu dargohda ITEC dasturi orqali malaka oshirish kurslari toʼgʼrisida maʼlumot berildi. 

Uchrashuv va seminarda Doktor Sanjiv Chaturberdi bilan birgalikda Savdo-sanoat palatasi boshqarma boshligʼi Umrbek Djumaniyazov ishtirok etdi.
Seminar natijasiga koʼra, joriy yilning oktyabr oyida Xorazm viloyatining tadbirkorlari uchun “Tadbirkorlik rivojlantirish: xorijiy tajribalar (Hindiston misolida)” onlayn seminar-trening oʼtkazish belgilab olindi.

SSP Axborot-xizmati