Vengriya bilan axborot texnologiyalari, innovatsiya va klaster yoʼnalishida hamkorlik aloqalari kengaymoqda

2021 yil 15 oktyabr kuni Oʼzbekiston Savdo-sanoat palatasi koʼmagida respublikamizda tashrif buyurgan Vengriyaning yetakchi Innovatsion klasteri delegatsiyasining Muhammad Аl-Xorazmiy nomidagi Toshkent axborot texnologiyalari universiteti, Islom Karimov nomidagi Toshkent davlat texnika universiteti va dasturlash boʼyicha yetakchi kompaniyalaridan biri “PDP Academy” bilan uchrashuvlar tashkil etildi.

Uchrashuvda АKT, innovatsion texnologiyalar, muqobil energiya sohasida va taʼlim sohasida hamkorlik qilish hamda xususiy sektor korxonalari menedjer va xodimlari uchun Vengriya kompaniyalarida tajriba almashish masalalari atroflicha muhokama etildi.

Muloqotlar yakunida dasturlash boʼyicha oʼzaro tajriba almashish, АKT yoʼnalishida ikki davlat mutaxassislari hamkorligida qoʼshma loyihalarni amalga oshirish, taʼlim muassasalari oʼrtasida mutaxassislar malakasini oshirish boʼyicha oʼzaro hamkorlikni yoʼlga qoʼyish hamda startap loyihalarni amalga oshirish kelishib olindi.

SSP Axborot-xizmati