O‘zbekiston Savdo-sanoat palatasining navbatdagi videokonferensiya yig‘ilishi

Bugun O‘zbekiston Savdo-sanoat palatasi raisi D.Vaxabov boshchiligida Palata Ijroiya qo‘mitasi hamda hududiy boshqarmalar boshliqlari ishtirokida videokonferensiya shaklidagi yig‘ilish bo‘lib o‘tdi.

Yig‘ilishda O‘zbekiston Respublikasi Prezidenti rahbarligida Oziq-ovqat mahsulotlari yetishtirishni ko‘paytirish orqali bozorlarda narx-navo barqarorligini ta'minlash masalasi hamda Biznes va tadbirkorlikni qo‘llab-quvvatlash bo‘yicha qo‘shimcha shart-sharoitlarni ta'minlash chora-tadbirlari bo‘yicha o‘tkazilgan videoselektor yig‘ilishida berilgan topshiriqlar doirasida Palataning oldida turgan ustuvor vazifalar, jumladan tadbirkorlik sub'ektlarini qo‘llab-quvvatlash, ularning muammo va takliflarini o‘rganish masalalari muhokama qilindi.

Palata raisi D.Vaxabov ushbu vazifalarni amalga oshirish maqsadida mas'ullarga bir qator ko‘rsatmalar berdi.

Jumladan, tadbirkorlik sub'ektlarining muammolarini “mahallabay”, tarmoqlar kesimida o‘rganish, xususan, eksport masalalarini doimiy tahlil qilib, tezkorlik bilan ularning yechimlarini topish bo‘yicha aniq masalalar belgilandi.

Yig‘ilish davomida Palata raisi tomonidan tadbirkorlar daromadini oshiradigan va ish o‘rinlari yaratadigan istiqbolli loyihalarga asosiy e'tiborni qaratish zarurligi ta'kidlandi.