O‘zbekiston delegasiyasining Turkiyaga tashrifi davom etmoqda

Avval xabar qilinganidek, SSP raisi D.Vahabov boshchiligidagi Savdo-sanoat palatasi delegasiyasi Turkiyada amaliy tashrif bilan bo‘lib turibdi.

Ushbu tashrif doirasida Turkiya Savdo-sanoat palatalari va tovar birjalari ittifoqi (TOBB) prezidenti R.Hisarchiqlio‘glining O‘zbekiston delegasiyasi bilan ham uchrashuvi tashkil etildi.

Suhbat chog‘ida O‘zbekiston va Turkiya o‘rtasidagi savdo aloqalarini rivojlantirish va iqtisodiy hamkorlikni kengaytirish masalalari, shuningdek, ko‘p qirrali ikki tomonlama hamkorlikning bugungi holati va rivojlantirish istiqbollari muhokama qilindi.

Shuningdek, har ikki tomon investisiya, savdo-iqtisodiy, transport-logistika, axborot-kommunikasiya, madaniy-gumanitar sohalarda hamkorlikning qo‘shma dasturini ishlab chiqishga o‘zaro hamkorlikka tayyor ekanliklarini bildirdilar.

Yig‘ilish yakunlari bo‘yicha yo‘lga qo‘yilgan loyihalarni amalga oshirishning eng ustuvor yo‘nalishlari belgilab olindi.