Yevropaga tekstil mahsulotlari eksportini kengaytirish masalalari muhokama etildi

Joriy yilning 20-aprel kuni O‘zbekiston Savdo-sanoat palatasi va Polshaning yirik tekstil kompaniyalaridan biri “LPP S.A”  kompaniyasi bilan onlayn videomuloqot bo‘lib o‘tdi.

Uchrashuvda Savdo-sanoat palatasi mas'ul xodim G‘.Usmonov respublikamizning tekstil' salohiyati, ushbu yo‘nalishdagi so‘nggi o‘zgarishlar va istiqboldagi rejalar to‘g‘risida ma'lumot berib o‘tdi.

Shuningdek, “LPP S.A”  Pol'sha kompaniyasining global ta'minot zanjiriga O‘zbekistondan tayyor to‘qimachilik mahsulotlari ishlab chiqaruvchilarni jalb etish masalasida hamkorlikni yo‘lga qo‘yish masalasi alohida muhokama etildi.

Pol'sha tomoni respublikamizning tekstil' salohiyatini yuqori baholab, to‘qimachilik yo‘nalishida respublikamiz tadbirkorlik sub'ektlari bilan keng hamkorlikni yo‘lga qo‘yishni muhokama qilishga tayyorligini ma'lum qildi.

Shu bilan birga Palata tomonidan joriy yilning may oyida Polsha kompaniyasi va “O‘zto‘qimachiliksanoat” uyushmasi mas'ullari o‘rtasida onlayn videomuloqot tashkil etish taklif etildi.

Uchrashuv yakunida o‘zaro hamkorlikning kelgusidagi rejalari kelishib olindi.