O‘zbekiston biznesining korrupsiyaga qarshi kurashish xartiyasining mazmun-mohiyatini tushuntirish bo‘yicha Savdo-sanoat palatasida seminar bo‘lib o‘tdi.

Joriy yilning 29-aprel kuni Savdo-sanoat palatasida “Korrupsiyaga qarshi kurashish Xartiyasining mazmun-moxiyati to‘g‘risida tadbirkorlik sub'ektlariga tushuncha berish bo‘yicha Palataning hududiy boshqarmalari bilan videoselektor aloqasi orqali seminar bo‘lib o‘tdi.

Seminarda Korrupsiyaga qarshi kurashish milliy kengashi tomonidan tasdiqlangan korrupsiyaga qarshi xalqaro standartlarni milliy qonunchilikka implementasiya qilishni davom ettirish bo‘yicha “Yo‘l xaritasi”ning ijrosi yuzasidan Savdo-sanoat palatasi, Korrupsiyaga qarshi kurashish agentligi va Biznes-ombudsmanning qo‘shma qarori bilan tasdiqlangan “O‘zbekiston biznesining korrupsiyaga qarshi kurashish Xartiyasi to‘g‘risida” batafsil tushuntirish berib o‘tildi.

Tadbirda seminar ishtirokchilariga Xartiya qoidalari biznes yuritishda antikorrupsion madaniyatni shakllantirish, tadbirkorlarning huquqiy ongini va qonunga itoatkorligini oshirishga xizmat qilishini alohida ta'kidlandi. Shu o‘rinda biznes uchun yaratilayotgan keng imkoniyatlar, Xartiyani qabul qilishdan ko‘zlangan asosiy maqsad va unga qo‘shilish tartibi hamda korrupsiya xavflarining oldini olishdagi roli haqida ishtirokchilarga atroflicha tushuntirish berdi.

Xartiyaga ko‘ra, Xartiya a'zolarining reestrini yuritishga Savdo-sanoat palatasi mas'ul etib belgilanganligi, Reestrni yuritish bilan bog‘liq masalalar Palata tomonidan  ko‘rib chiqilishi belgilab berilganligi bildirildi.

Tadbirda ishtirok etgan Savdo-sanoat palatasi boshqarma boshlig‘i B.Ibadullaev, Korrupsiyaga qarshi kurashish agentligi xodimi Sh.Axmedov, O‘zbekiston Respublikasi Prezidenti huzuridagi Tadbirkorlik sub'ektlarining huquqlari va qonuniy manfaatlarini himoya qilish bo‘yicha vakil devonining mas'ul xodimi S.G‘aniev tadbirkorlik faoliyati uchun yaratib berilayotgan keng imkoniyatlar, Xartiyaning asosiy maqsadi va korrupsiya xavflarining oldini olishdagi roli haqida so‘zlab berishdi.