"O‘zbekistonda dorivorchilik va ziravorchilik sohasida tadbirkorlik faoliyatini boshlash" mavzusida seminar

O‘zbekiston Respublikasi Prezidentining 2020 yil 10 aprel', PQ-4670-sonli qaroriga ko‘ra Respublikada so‘nggi yillarda dorivor o‘simliklarni muhofaza qilish, tabiiy resurslardan oqilona foydalanish, dorivor va ziravor o‘simliklar yetishtiriladigan plantasiyalar tashkil etish va ularni qayta ishlash borasida izchil islohotlar amalga oshirilmoqda.

Xususan, Sirdaryo viloyati Guliston davlat universiteti “Dorivor o‘simliklar va botanika” kafedrasi talabalari hamda bir guruh sohaga qiziquvchi yoshlar uchun "O‘zbekistonda dorivorchilik va ziravorchilik sohasida tadbirkorlik faolitini boshlash" mavzusida seminar tashkil etildi.
Seminarda O‘zbekiston Savdo-sanoat palatasi “Dorivor va ziravor o‘simlik yetishtiruvchilarni qo‘llab-quvvatlash” bo‘limi bosh mutaxassisi Sh.Xikmatov o‘z ma'rzasi bilan ishtirok etdi.
Tadbirda dorivor va ziravorlar o‘simliklarning yetishtirilishi va savdosi va agro-turizm istiqbollari hamda ushbu sohada olib borilayotgan ishlar va sohani rivojlantirishga berilayotgan imtiyozlar haqida kerakli ma'lumotlar berildi.

Seminar yakunida O‘zbekiston Respublikasi O‘rmon xo‘jaligi davlat qo‘mitasi Dorivor o‘simliklarni yetishtirish va qayta ishlash ilmiy-ishlab chiqarish markazi hamda O‘zbekiston Savdo-sanoat palatasi Dorivor va ziravor o‘simlik yetishtiruvchilarni qo‘llab-quvvatlash bo‘limi bilan hamkorlikda dorivor o‘simliklar yetishtiruvchi tashabbuskor sub'ektlar va tomorqa yer egalari uchun mo‘jallangan “Dorivor o‘simliklar yetishtirish va xom ashyolarini tayyorlash bo‘yicha” malaka oshirish o‘quv kursini muvoffaqiyatli tamomlagan o‘quvchilarga sertifikatlar topshirildi.