Chuqur hamdardlik bildirildi.

Joriy yilning 19-may kuni Savdo-sanoat palatasi rahbariyati vakillari SSP raisi D.Vaxabov, raisning birinchi o‘rinbosari I.Jasimov Birlashgan Arab Amirliklari Prezidenti Shayx Xalifa bin Zoid Ol Nahayonning vafoti munosabati bilan ta'ziya izhor etish maqsadida Birlashgan Arab Amirliklarining O‘zbekiston Respublikasidagi elchixonasiga tashrif buyurdi.

Birlashgan Arab Amirliklarining O‘zbekistondagi Favqulodda va Muxtor elchisi Said Matar Sulton as-Siri al-Kamzi bilan bo‘lib o‘tgan suhbat chog‘ida Shayx Xalifa bin Zoid Ol Nahayon prezidentligi davrida O‘zbekiston va BAA ikki tomonlama munosabatlari faollashgani hamda sifat jihatidan yangi bosqichga ko‘tarilgani alohida ta'kidlandi.

O‘z navbatida, BAAning diplomatik vakolatxonasi rahbari hamdardlik so‘zlari uchun chuqur minnatdorlik hamda barcha sohalarda keng ko‘lamli ikki tomonlama hamkorlikni rivojlantirishni davom ettirishga tayyorligini bildirdi.

Elchixonaga tashrifi chog‘ida D.Vaxabov maxsus ta'ziya kitobida yozuv qoldirdi.