Аndijonda muqobil energiyadan foydalanishni kengaytirishga bagʼishlangan koʼrgazma boʼlib oʼtdi

Oʼzbekiston Respublikasi Prezidentining 2022 yil 10 iyun kuni “Iqtisodiyot tarmoqlari, aholi va ijtimoiy soha obʼektlarida qayta tiklanuvchi energiya manbaalaridan keng foydalanish chora-tadbirlari” yuzasidan oʼtkazilgan  videoselektor yigʼilishida ushbu sohadagi yangiliklarni keng joriy etish yuzasidan bir qator vazifalar berildi.

Topshiriqqa binoan, joriy yilning 1 iyul kuni Аndijon viloyatining Boʼston tumanida, Obod mahallasidagi "Sayyora favvorasi" MChJ korxonasining binosida Savdo-sanoat palatasi, “Uzeltexsanoat” uyushmasi va viloyat hokimligi hamkorligida Muqobil energiya resurslaridan foydalanish loyihalari, quyosh elektr panellari va suv isitish qurilmalari va yetkazib beruvchi tadbirkorlik subʼektlari mahsulotlari koʼrgazmasi boʼlib oʼtdi.

Mazkur koʼrgazmada quyosh elektr panellari va suv isitish qurilmalari ishlab chiqaruvchi va yetkazib beruvchi 20 dan ortiq tadbirkorlik subʼektlari oʼz maxsulotlari bilan ishtirok etishdi.

Savdo-sanoat palatasi Matbuot xizmati