Savdo-sanoat palatasi – tadbirkorning dardini eshitib, unga tezkor ravishda yechim topiladigan yangi tizim

Savdo-sanoat palatasi huzurida soha va tarmoqlar qamrab olingan 21 ta qoʼmita tashkil qilindi.

8 iyul kuni Oʼzbekiston Savdo-sanoat palatasi raisi Davron Vahobov Palata huzurida ish boshlagan qoʼmitalar raislari bilan uchrashdi va muloqot davomida dastlabki vazifalar muhokama qilindi.

Unga koʼra, har bir qoʼmita oʼz sohasidan kelib chiqqan holda rivojlanish tendentsiyalarini baholaydi hamda barcha fikr-mulohazalarni umumlashtirib, yangi takliflar ishlab chiqadi.

“Bu – uzilmas zanjir”, deb taʼkidladi SSP rahbari Davron Vahobov. Uning soʼzlariga koʼra, har bir hududdagi masʼullar bilan toʼgʼridan toʼgʼri muloqot yoʼlga qoʼyiladi. Аsosiy vazifa – tadbirkorlarning fikrini sohalar kesimida toʼplab, ularni yuqoriga olib chiqish va tadbirkorni qiynayotgan masalalarga tezkor yechim topish.

Yangi tizimning muhim jihati, endi biznes egalarini qiynayotgan masalalarni aniqlash yanada tezlashadi.

Savdo-sanoat palatasi huzurida tashkil etilgan qoʼmitalar roʼyxati:

• Qurilish, infrastruktura va muqobil energetika sanoati masalalari qoʼmitasi;
• Geologiya, togʼ-kon, metallurgiya, mashinasozlik sanoati masalalari qoʼmitasi;
• Farmatsevtika masalalari qoʼmitasi;
• Urugʼchilik masalalari qoʼmitasi;
• Turizm masalalari qoʼmitasi;
• Xizmatlar sohasi qoʼmitasi;
• Savdo masalalari qoʼmitasi;
• Marketing va reklama qoʼmitasi;
• Xotin-qizlar va yoshlar tadbirkorligi masalalari qoʼmitasi;
• Tashqi iqtisodiy faoliyat masalalari qoʼmitasi;
• Аxborot texnologiyalari va innovatsiyalar masalalari qoʼmitasi;
• Texnik tartibga solish va standartlashtirish masalalari qoʼmitasi;
•  Аgrosanoat masalalari qoʼmitasi;
• Taʼlim, kadrlar tayyorlash va malakasini oshirish qoʼmitasi;
• Sogʼliqni saqlash masalalari qoʼmitasi;
• Charm-poyabzal, ipakchilik va jun sanoati masalalari qoʼmitasi;
• Hunarmandchilik va zargarlikni qoʼllab-quvvatlash qoʼmitasi;
• Elektrotexnika sanoati masalalari qoʼmitasi;
• Mebelchilik sanoati masalalari qoʼmitasi;
• Logistika va yuk tashish masalalari qoʼmitasi;
• Oziq-ovqat sanoati masalalari qoʼmitasi.

Аgar tadbirkor boʼlsangiz, Sizda ham oʼz yoʼnalishingizdagi Qoʼmitaga aʼzo boʼlish va sohangiz boʼyicha fikr-mulohazalaringizni ilgari surish imkoni mavjud!

Аloqa uchun raqam: +99878 150 60 06