“Bojxona hududida qayta ishlash” bojxona rejimining afzalliklari yuzasidan media tur tashkillashtirildi

Oʼzbekiston Respublikasi Prezidentining 2022 yil 25 aprelda qabul qilingan “Bojxona hududida qayta ishlash bojxona rejimi qoʼllanilishini soddalashtirishga oid qoʼshimcha chora-tadbirlar toʼgʼrisida”gi PF-115-son farmonining mazmun mohiyatini tadbirkorlik subʼektlari eʼtiboriga yetkazish maqsadida joriy yilning 20 iyul kuni Savdo-sanoat palatasi Davlat bojxona qoʼmitasi bilan hamkorlikda poytaxtimizdagi “Quality Electronics” qoʼshma korxonasida tadbirkorlik subʼektlari va ommaviy axborot vositalari vakillari uchun “Bojxona hududida qayta ishlash” bojxona rejimining afzalliklari: imkoniyat va qulayliklar” mavzusida media tur tashkillashtirildi.

Ushbu tadbirda Farmon bilan eksportni qoʼllab-quvvatlash uchun qulay shart-sharoitlar yaratish, tovarlarni bojxona hududida qayta ishlash rejimiga joylashtirish tartibotlarini soddalashtirish boʼyicha yaratilgan imkoniyatlar boʼyicha Davlat bojxona qoʼmitasining Bojxona nazoratini tashkil etish bosh boshqarmasi boshligʼi Rustam Qobulov tomonidan koʼrgazmali taqdimotlar oʼtkazildi hamda Savdo-sanoat palatasining Eksportga koʼmaklashish boshqarmasi boshligʼi Usmanov Gʼofurjon  tomonidan Farmon boʼyicha tegishli muammolar va ularni yechimi boʼyicha takliflar bildirildi. Tadbirkorlik subʼektlari tomonidan Farmon yuzasidan oʼzlarini qiziqtirgan savollarga javob oldilar.

Shuningdek, barcha ishtirokchilar uchun tadbir yakunida Farmon bilan yaratilgan imkoniyatlar hozirda ushbu Farmon doirasida mahsulotlarni qayta ishlab eksport qilayotgan “Quality Electronics” qoʼshma korxonasi misolida real holatda koʼrsatib berildi.