China Ctexic Corporation vakillari bilan onlayn-muzokaralar oʼtkazildi

Joriy yilning 29 avgust kuni Oʼzbekiston Savdo-sanoat palatasida tashqi iqtisodiy va texnik hamkorlik boʼyicha Xitoy toʼqimachilik sanoat korporatsiyasi CHINA CTEXIC CORPORATION vakillari bilan onlayn-muzokaralar oʼtkazildi.

Mazkur uchrashuvda SSP raisi, “Oʼztoʼqimachiliksanoat” uyushmasi raisining birinchi oʼrinbosari, Oʼzbekiston Respublikasining Xitoydagi elchixonasi vakillari, shuningdek Investitsiyalar va tashqi savdo vazirligi mutasaddilari ishtirok etishdi.

Uchrashuv davomida Oʼzbekistonda paxta-toʼqimachilik sanoatida amalga oshirilayotgan islohotlar va mazkur sohadagi investitsion imkoniyatlar yuzasidan maʼlumot berildi. Sohani rivojlantirish doirasida kichik va oʼrta toʼqimachilik korxonalari safini kengaytirish boʼyicha rejalar muhokama qilindi.

Suhbatdoshlar Oʼzbekistondagi islohotlarni olqishlab, oʼzbek korxonalarini zamonaviy toʼquv dastgohlari bilan jihozlash va texnik xizmat koʼrsatishni markazlashgan va moliyalashtirilgan holda yetkazib berishga tayyorligini bildirdi.