Eksport hajmini oshirishda yangi va qulay transport koridorlarini ishlab chiqish imkoniyatlari muhokama etildi

Joriy yil 9 sentyabr kuni Oʼzbekiston Savdo-sanoat palatasi va Oʼzbekiston Transport vazirligi vakillari oʼrtasida respublikamizdan eksport hajmlarini oshirish maqsadida Oʼzbekiston mahsulotlarini jahon bozoriga yetkazib berish, shu jamladan, Osiyo davlatlariga tijorat yuklarini yangi va qulay transport koridorlari orqali chiqish imkoniyatlari koʼrib chiqildi.

Uchrashuvda Transport vazirligi vakillari tomоnidan Oʼzbekistondan mahsulotlarni eksport qilishda majvud temir yoʼl va avtomobil transport koridorlari orqali yuklarni tashish holati, eksport qilinadigan tovarlarni qoʼshni davlatlardan olib oʼtish tartibotlari hamda mahalliy eksporterlar uchun xalqaro transport koridorlari orqali Osiyo davlatlariga, jumladan, arab  mamlakatlari, Saudiya Аrabistoniga yuklarni tashishda mavjud imkoniyatlar hamda ularning afzalliklari toʼgʼrisida atroflicha fikr almashildi.

Shuningdek, mahalliy mahsulotlarni xorijiy bozorlarga tashishda xalqaro avtomobilь koridorlari orqali Oʼzbekistondan–Turkmaniston– Erondagi dengiz portlari orqali Аrab davlatlariga chiqish imkoniyatlarining mavjudligi transport koridorlarini rivojlantirishda muhim yoʼnalishlardan sanalishi taʼkidlab oʼtildi.

Shu bilan birga Oʼzbekistondan tijorat yuklarini tashishda eksporterlarga qisqa yoʼlaklarni ochib berish orqali qulaylik yaratish muhimligiga eʼtibor qaratilib, yaqin istiqbolda qator Osiyo davlatlari bilan transport-logistika sohasida ikki va koʼp tomonlama hamkorlik aloqalarini yanada jadallashtirish takliflari bildirildi. Bu borada Oʼzbekiston uchun Аfgʼoniston orqali Pokistonning Xind okeanidagi portlariga chiqish imkoniyatlarini jadal rivojlantirish yuklar tashish harajatlarini qisqartirishda muhim ahamiyatga ega ekanligi va bu oʼz navbatida Oʼzbekiston mahsulotlarining Osiyo bozorlari, shuningdek, Аrab davlatlarida raqobatqodirligini yanada oshirishda muhim omil boʼlishi etib oʼtildi.

Uchrashuv yakunida mahalliy eksporterlar uchun respublikamizdan jahon bozorlariga chiqishning yangi va qulay transport koridorlari toʼgʼrisida zarur axborot-maslahatlarni Palata va Transport vazirligi hamkorlikda tadbirkorlik subʼektlari eʼtiboriga yetkazib borishga kelishib olindi.