Germaniya xalqaro hamkorlik jamiyati bilan memorandum imzolandi

Joriy yilning 28 sentyabr kuni Germaniya xalqaro hamkorlik jamiyati bilan Oʼzbekiston Savdo-sanoat palatasi oʼrtasida Hamkorlik Memorandumini tuzish va kelgusi rejalar toʼgʼrisida uchrashuv boʼlib oʼtdi.

Yigʼilishda Oʼzbekiston Savdo-sanoat palatasi raisining birinchi oʼrinbosari Islom Jasimov, Germaniya xalqaro hamkorlik jamiyati (GIZ) loyihasining bosh maslahatchisi Tomas Lyuks hamda loyiha vakillari qatnashdi.

Uchrashuvda Germaniya xalqaro hamkorlik jamiyati tomonidan  professional taʼlim tizimini qoʼllab-quvvatlash borasida amalga oshirilayotgan “Markaziy Osiyoda iqsodiy oʼsish tarmoqlari uchun professional taʼlim” loyihasi  doirasida hamkorlik aloqalarini kuchaytirish boʼyicha Memorandum imzolandi.

Shuningdek, joriy yilning 27-28 oktyabr kunlari oʼtkaziladigan “Professional taʼlimni barqaror rivojlanishining mintaqaviy jihatlari: chaqiriqlar va istiqbollar” mavzusidagi birinchi mintaqaviy konferentsiyani oʼtkazish bilan bogʼliq masalalar muhokamasi boʼlib oʼtdi. 

SSP matbuot xizmati