Pusan shahrida Oʼzbekistonning sarmoyaviy investitsion salohiyati taqdim etildi

Joriy yilning 27-oktyabr kuni Pusan ​​shahrida Markaziy Osiyo mamlakatlaridagi investitsiyaviy imkoniyatlarni taqdim etishga bagʼishlangan seminar boʼlib oʼtdi.

Tadbir Pusan ​​Iqtisodiy rivojlanish Аgentligi tomonidan Markaziy Osiyo mamlakatlari Savdo-sanoat palatalari bilan hamkorlikda tashkil etildi.

Seminarda Koreya kompaniyalariga Oʼzbekistonning erishilgan iqtisodiy koʼrsatkichlari, xorijiy investorlar uchun yaratilgan imtiyoz va preferensiyalar, shuningdek, sarmoya kiritish uchun iqtisodiyotning ustuvor tarmoqlari haqida maʼlumot berildi.

Tadbir davomida ishtirokchilar savdo-sotiqni rivojlantirishga doir dolzarb masalalarni, shuningdek, Markaziy Osiyo davlatlarini birlashtiruvchi mavjud va yangi logistika koridorlaridan foydalanish imkoniyatlarini ham muhokama qildi.

SSP matbuot xizmati