Prezident Qarori loyihasining muhokamasiga bag‘ishlangan davra suhbati

Joriy yilning 29 oktabr kuni O‘zbekiston Savdo-sanoat palatasida “Hisobotlar taqdim etish va arxiv hujjatlarini saqlash tizimlarini maqbullashtirish chora-tadbirlari to‘g‘risida”gi O‘zbekiston Respublikasi Prezidenti Qarori loyihasining muhokamasiga bag‘ishlangan davra suhbati tashkil etildi.

Unda Savdo-sanoat palatasi raisi D.Vahobov, masʼul vazirlik va idoralar, jamoatchilik kengashi aʼzolari hamda ishbilarmon doira vakillari ishtirok etdi.

Mazkur qaror joriy yilning 22 avgust kuni o‘tkazilgan O‘zbekiston Respublikasi Prezidentining tadbirkorlar bilan “ochiq muloqoti” doirasida belgilangan ustuvor vazifalar ijrosini taʼminlash, shuningdek statistika, soliq va moliyaviy hisobot turlarini qisqartirish, hujjatlarni saqlash va davlat idoralariga topshirish amaliyotini zamonaviy talablar asosida takomillashtirish maqsadida ishlab chiqilgan.

Tahliliy-tanqidiy ruhda o‘tgan yig‘ilish yakunida bildirilgan fikr-mulohaza, takliflar asosida tegishli tavsiyalar ishlab chiqildi.

SSP matbuot xizmati