Latviya kompaniyalari bilan oʼzaro hamkorlik mustahkamlanmoqda

Joriy yilning 2 noyabr kuni Oʼzbekiston Savdo-sanoat palatasi raisi oʼrinbosari Farxodjon Toshpoʼlatov “AP Holding” boshqaruvi raisi Аleksandr Petrov bilan uchrashuv oʼtkazdi.

“AP Holding” — 2009 yil Rigada (Latviya) tashkil etilgan boʼlib, turli biznes yoʼnalishlari, jumladan, Sharqiy hamkorlik mamlakatlari, Yevropa Ittifoqi va AQSh vektorlarida axborot texnologiyalari va innovatsiyalarni joriy etish va rivojlantirish boʼyicha ish olib boradi. 2021-yil iyul oyidan buyon Oʼzbekiston Respublika Tovar-xom ashyo Birjasining Yevropadagi ofisi hisoblanadi.

Uchrashuv davomida, ikki davlat oʼrtasidagi ikki tomonlama hamkorlikning dolzarb masalalari, Oʼzbekiston tadbirkorlik subʼektlarining Yevropa bozorlarida eksport salohiyati, xususan, neft-kimyo va toʼqimachilik sanoatini rivojlantirish, shuningdek, yangi logistika yechimlarini shakllantirish masalalari muhokama qilindi.

Oʼzaro manfaatli va uzoq muddatli hamkorlik rejalari belgilab olindi.

SSP matbuot xizmati