UzVC Milliy venchur jamg'armasi Startup Growth (SGP) dasturini ishga tushirmoqda

UzVC Milily venchur jamg'armasi Startup Growth (SGP) dasturining ishga tushirilishiga bag'ishlangan birinchi konferentsiyani o'tkazadi. Ilk SGP konferentsiyasi jahon tajribasini o'rganish va O'zbekiston startap va venchur kapitali ekotizimining rivojlanishi va global maydonga qanday chiqishi kerakligini tushunishga yordam beradi. Maxsus ma'ruzachilar Sukna Ventures bosh hamkori Asher Siddiqi va Diaspora Ventures hamkori Marvin Liao Silikon vodiysidan chiqqan startaplarni yaratish va boshqarish bo'yicha o'z bilimlari bilan o'rtoqlashadilar.

Dastur davlat tomonidan qo'llab-quvvatlanib, o'zbek startaplariga o'sish va tashqi bozorlarga chiqish borasida jahon andozalari darajasidagi tajriba bilan ta'minlashga qaratilgan. Dasturda ishtirok etish uchun o'nta startap tanlab olinadi, unda UzVC portfelidagi startaplar bilan bir qatorda qabul qilingan jamoalar startap olamidagi so'nggi tendentsiyalar haqida tasavvurga ega bo'ladilar. SGP bozorga kirish, bosqichlar va ko'rsatkichlar, shuningdek, O'zbekistondan tashqarida o'sish va bozorlarga kirish uchun zarur bo'lgan mablag' yig'ish strategiyalari kabi asosiy masalalarni qamrab oladi.

16 noyabr` kuni bo'lib o'tadigan konferentsiyada UzVC katta maslahatchisi Alisher Shayxov, UzVC bosh direktori Dilshod Xashimov, BMTTD inklyuziv rivojlanish klasteri rahbari vazifasini bajaruvchisi Bahodir Bekov, Express24 bosh direktori va asoschisi Akmal` Payziev, I2BF Global Ventures investitsiya bo'yicha direktori Denis Kalishkin, Pulsar.vc hamkori Adrien Henni (Frantsiya) kabi ma'ruzachilar ishtirok etadi.

UzVC tadbirkorlarni risk va imkoniyatlar bo'yicha o'qitish va O'zbekistondan chiqqan hamda dunyoni zabt etishga tayyor bo'lgan kompaniyalar va biznes farishtalarning muvaffaqiyat darajasini oshirish bo'yicha SGP ni yillik tashabbusga aylantirish niyatida. Ushbu startaplar o'sishi va gullab-yashnashi uchun etarli daromad manbalarini yaratishda qiyinchiliklarni engish uchun tashkiliy yordamga muhtoj.

Tadbir Iqtisodiy taraqqiyot va kambag'allikni qisqartirish vazirligi hamda BMT Taraqqiyot dasturining O'zbekistondagi “Raqamli iqtisodiyot va raqamli tadbirkorlikni o'zlashtirishda yoshlarning imkoniyatlarini kengaytirish” qo'shma loyihasi tomonidan O'zbekiston Savdo-sanoat palatasi, Innovatsiyalarni joriy qilish va texnologiyalar transferi milliy Ofisi, Yoshlar ishlari agentligi va INNO texnoparki bilan hamkorlikda tashkil etilmoqda.