O‘zbekiston va Ozarbayjon munosabatlari mustahkamlanmoqda

O‘zbekistonda yaratilgan investitsiya va biznes imkoniyatlarni o‘rganish maqsadida, 2022 yil 21-25 noyabr kunlari Ozarbayjonning “Caspian Energy Club”ga aʼzo kompaniyalar rahbarlaridan iborat delegatsiyaning O‘zbekistonga tashrifi doirasida, 22 noyabr kuni Toshkentdagi “Wyndham Tashkent” mehmonxonasida O‘zbekiston va Ozarbayjon tadbirkorlari o‘rtasida B2B uchrashuvlar bo‘lib o‘tdi.

O‘zbekiston Savdo-sanoat palatasi ko‘magida tashkil etilgan tadbirda Ozarbayjonning O‘zbekistondagi Favqulodda va muxtor elchisi Huseyn Guliyev va O‘zbekiston SSP boshqarma boshlig‘i G‘ofurjon Usmonov ishtirok etdi.

“Caspian Energy Club” – dunyoning 5 mamlakatidan 50 mingdan ortiq kompaniyalarni birlashtiruvchi jadal rivojlanayotgan yirik mintaqaviy tashkilot hisoblanadi. Kompaniya 2002 yil iyun oyida “Caspian Energy” va yirik neft-gaz kompaniyalari ko‘magida tashkil etilgan.

Mazkur V2V uchrashuvlar, to‘qimachilik, qishloq xo‘jaligi, qurilish, logistika va avtotransport sohalarida faoliyat olib boruvchi ishbilarmon doira vakillari ishtirokida bo‘lib o‘tdi.

Uchrashuvda ikki mamlakat ishbilarmon doira vakillari, savdo-iqtisodiy munosabatlarni rivojlantirish, jumladan, ikki mamlakat korxonalarining hamkorlik aloqalarini yanada jadallashtirish bo‘yicha o‘zaro fikr almashdi.

SSP matbuot xizmati