Palata tomonidan Korrupsiyaga qarshi kurashish bo‘yicha 2022 yilda amalga oshirilgan ishlar

O‘zbekiston Respublikasi Savdo-sanoat palatasi tomonidan Korrupsiyaga qarshi kurashish bo‘yicha 2022 yilda amalga oshirilgan ishlar:

• 2021-2022 yillarda joylarda tadbirkorlik subʼektlari faoliyatida korrupsion munosabatlarga kirishish ahvolini o‘rganish maqsadida, onlayn so‘rovnoma o‘tkazildi, natijalari umumlashtirilib, Korrupsiyaga qarshi kurashish agentligi va Bosh prokuraturaga yuborildi.
• Palata tomonidan Korrupsiyaga qarshi kurashish agentligi, Biznes-ombudsman hamda BMTning giyohvandlik va jinoyatchilik bo‘yicha boshqarmasi Markaziy Osiyodagi vakolatxonasi (UNODC) bilan hamkorlikda O‘zbekiston tadbirkorlik etikasi kodeksi ishlab chiqildi va 10 ming nushada chop etilib, tadbirkorlar o‘rtasida tarqatildi.
• Joriy yilda Korrupsiyaga qarshi kurashish Xartiyasiga qabul qilish bo‘yicha komissiyaning 5 ta yig‘ilishi o‘tkazildi va 265 ta tadbirkorlik subʼekti Xartiya aʼzoligiga qabul qilindi. 
• Tadbirkorlik faoliyatiga taʼsirini hamda korrupsiogen holatlarni aniqlash maqsadida, 918 ta normativ-huquqiy hujjat loyihalari bo‘yicha jamoatchilik ekspertizasi o‘tkazildi. Shundan 565 ta loyiha bo‘yicha tadbirkorlik faoliyati rivojiga to‘sqinlik qiluvchi yoki cheklovchi normativ-xuquqiy hujjatlarga o‘zgartish va qo‘shimchalar kiritish, shuningdek, ularni qabul qilish maqsadga muvofiq emasligi to‘g‘risida tavsiyalar bayon etilgan hulosalar berildi. Shu bilan birga, Palata huzurida tashkil etilgan Huquqiy masalalar bo‘yicha Ekspertlar kengashi yig‘ilishlarida tadbirkorlar ishtirokida 7 ta normativ-huquqiy hujjat loyihasi ko‘rib chiqildi.
• Tadbirkorlik subʼektlari faoliyatida tekshiruv o‘tkazishga maxsus guvoxnoma olish uchun 26 ta nazorat qiluvchi organning 873 nafar mansabdor shaxsi attestatsiyadan o‘tkazildi. Shundan 690 nafar mansabdor shaxsga maxsus guvohnoma berilgan, 183 nafar mansabdor shahsga maxsus guvohnoma berish rad etilgan.
• 2022 yil 18-20 may kunlari Samarqand shahrida Korrupsiyaga qarshi kurashish agentligi, Bosh prokuratura va BMTning giyohvandlik va jinoyatchilik bo‘yicha boshqarmasining Markaziy Osiyo bo‘yicha vakolatxonasi vakillari bilan hamkorlikda “Investitsion faoliyatida korrupsion holatlarini olish va unga qarshi kurashish” mavzusida mintaqaviy seminar o‘tkazildi.
• Korrupsiyaga qarshi kurashish milliy kengashning 7-sonli yig‘ilish bayoni ijrosi borasida, 2022 yil 24 may kuni Nukus shahrida Korrupsiyaga qarshi Milliy kengash aʼzolari va masʼullar ishtirokida eshituv tashkil etildi. Eshituvda Palata boshqarma boshlig‘i B.Ibadullayev ishtirok etdi.
• 2022 yil 11 noyabr kuni O‘zbekiston Respublikasi Korrupsiyaga qarshi kurashish agentligida BMTning Narkotiklar va jinoyatchilik bo‘yicha boshqarmasi bilan hamkorlikda Savdo-sanoat palatasi, Biznes-ombudsman, Korrupsiyaga qarshi kurashish agentligi, mutasaddi tashkilotlar vakillari hamda tadbirkorlar ishtirokida muloqot bo‘lib o‘tdi. Ushbu muloqotda Palataning boshqarma boshlig‘i B.Ibadullayev o‘z fikr-mulohazalari va takliflari bilan ishtirok etdi.
• O‘zbekiston Respblikasi Korrupsiyaga qarshi kurashish Milliy kengashining  2022 yil 17 avgust kuni bo‘lib o‘tgan yig‘ilishi 8-sonli bayonnomasining ijrosini taʼminlash borasida, 2022 yil 29 noyabr kuni Toshkent shahrida “O‘zbekiston biznes-hamjamiyatida  halollik” mavzusida xalqaro biznes-forum tashkil etilib, o‘tkazildi.

SSP matbuot xizmati