Turizm sohasini transport vositalari bilan taʼminlash borasidagi muammolar Savdo-sanoat palatasida muhokama qilindi

Savdo-sanoat palatasiga O‘zbekiston Turizm transporti uyushmasining murojaati kelib tushdi.

   
Mazkur murojaat asosida bugun Palatada Madaniyat va turizm vazirligi, Transport vazirligi, O‘zbekiston Turizm transporti uyushmasi hamda turizm sohasidagi tadbirkorlar ishtirokida huquqiy masalalar bo‘yicha Ekspertlar kengashi yig‘ilishi o‘tkazildi.

Unda turizm sohasida yo‘lovchilarni tashish uchun foydalaniladigan transport vositalarini O‘zbekiston Respublikasiga olib kirishda qo‘llaniladigan imtiyozlar doirasini kengaytirish masalasi ko‘rib chiqildi.

   
Shuningdek, yig‘ilishda O‘zbekiston hududida turizm sohasida foydalaniladigan avtobus va mikroavtobus vositalari harakatini kengaytirish imkoniyatlari, xususan transport infratuzilmasini yaxshilash masalalari muhokama qilindi.

Amaliyotdagi mavjud muammolar va ularga taklif etilayotgan yechimlar umumlashtirilgan holda, ko‘rib chiqish uchun Hukumatga va tegishli idoralarga yuborilishi  kelishib olindi.

SSP matbuot xizmati