Oʼzbekiston va Rossiya tadbirkor ayollarining xalqaro davra suhbati

Oʼzbekiston Savdo-sanoat palatasida joriy yilning 6-mart kuni — Xalqaro xotin-qizlar kunini nishonlash arafasida “Ayollar va yoʼllar: oʼzlik sari yoʼl” loyihasini suratga olish ishlari boshlanishi munosabati bilan Oʼzbekiston va Rossiya tadbirkor ayollarining xalqaro davra suhbati boʼlib oʼtdi.

Tadbir Oʼzbekiston Savdo-sanoat palatasi va “SHARQ AYOLI” xotin-qizlar xalqaro jamoat fondi hamkorligida tashkil etildi.

Oʼzbekiston Savdo-sanoat palatasi raisining birinchi oʼrinbosari I.Jasimov, “SHARQ AYOLI” xotin-qizlar xalqaro jamoat fondi raisi S.Tursunboeva, Oila va xotin-qizlar davlat qoʼmitasi raisi O.Parpiboeva.

Rossiya tomonidan Rossiya delegatsiyasi rahbari, “Ayollar va yoʼllar: oʼzlik sari yoʼl” loyihasi stsenariy muallifi, tadbirkor K.Kretova, Sankt-Peterburg ayollar ishbilarmonlar hamjamiyati vakili, loyiha prodyuseri A.Kameneva va boshqalar soʼzga chiqdi.

Tadbir doirasida zamonaviy dunyo ayollarining koʼp qirrali va koʼp vazifaliligiga bagʼishlangan, xalqaro kinofestivallarda sovrinlarni qoʼlga kiritgan “Ayollar va yoʼllar: oʼzlik sari yoʼl” kinoloyihasi taqdim etildi.

Muhokama chogʼida tadbirkorlar Rossiya va Oʼzbekistonda biznes yuritish tajribasi bilan oʼrtoqlashdi, ishbilarmon doiralarda muloqot va ragʼbatlantirishga taʼsir etuvchi gender masalalarini muhokama qilindi, biznes sohasida ayollarning faol yetakchiligini taʼminlash boʼyicha fikr almashdi.

Ushbu muhokama jarayonlari ehtimol, Toshkentda suratga olish ishlari boshlanadigan filmning bir qismiga aylanishi mumkin.

SSP matbuot xizmati