Islom taraqqiyot banki delegatsiyasi bilan uchrashuv bo‘lib o‘tdi

Savdo-sanoat palatasida 16-mart kuni SSP raisining birinchi o'rinbosari I.Jasimov Islom taraqqiyot bankining Iqtisodiy imkoniyatlar departamenti direktori, doktor N.Galleb boshchiligidagi delegatsiya bilan uchrashdi.

Tomonlar Oʻzbekiston Iqtisodiy imkoniyatlarni kengaytirish jamgʻarmasini tashkil etish loyihasi doirasidagi hamkorlik imkoniyatlarini muhokama qildi.

Ma’lumot uchun: ITBga dunyo bo'ylab 57 davlat aʼzo va uning ustav fondi 150 milliard dollarni tashkil qiladi. ITB 16 milliard dollardan ortiq operatsion aktivlari va 70 milliard dollarlik ustav kapitali bilan dunyodagi eng yirik islom banklaridan biri hisoblanadi.

Jamgʻarma Oʻzbekistonda kichik va oʻrta biznesni rivojlantirishni, ish oʻrinlari yaratishni qoʻllab-quvvatlash va qashshoqlikka qarshi kurashga koʻmaklashish maqsadida tashkil etilmoqda.

Jamgʻarma ustav kapitalining boshlangʻich miqdori 100 million dollarni tashkil etadi. Jamgʻarmaning asosiy xususiyatlaridan biri texnik koʻmak berish mexanizmi hisoblanadi. Yaʼni yakuniy benefitsiarlarga loyihasi moliyaviy jihatdan muvaffaqiyatli boʻlish ehtimolini oshirishda hamda ish oʻrinlari yaratish nuqtai nazaridan biznes hayoti va tarmoqlarida zarur bilimlar bazasini rivojlantirishda yordam beriladi.

Tomonlar kichik va oʻrta korxonalar bilan aloqalarni yoʻlga qoʻyish, mavjud muammolarni aniqlash, shuningdek, aholining zaif qatlamini qoʻllab-quvvatlash va rivojlantirish uchun tajriba va bilim almashish boʻyicha hamkorlik qilishga kelishib oldi.

SSP matbuot xizmati