Biznes vakillari bilan uchrashuv

Tadbirkorlar o‘rtasida targ‘ibot o‘tkazish va ularning faoliyatida vujudga kelayotgan muammo va takliflarni o‘rganish maqsadida, joriy yilning 31 mart kuni Toshkent shahar Yakkasaroy tumani Kichik sanoat zonasida faoliyat yuritayotgan tadbirkorlik subyektlari bilan uchrashuv o‘tkazildi.

Uchrashuvda O‘zbekiston Savdo-sanoat palatasi boshqarma boshlig‘i A.Seytekov va Toshkent shahar hududiy boshqarmasi boshlig‘ining birinchi o‘rinbosari Sh.Abdullayev ishtirok etib, tadbirkorlik sohasida Konstitutsiyaga kiritilayotgan o‘zgartirishlar va qo‘shimchalar to‘g‘risida tushuntirishlar berishdi.

Bundan tashqari, tadbir davomida mamlakatimizda tadbirkorlik sohasida olib borilayotgan islohatlar, biznesni rivojlantirish uchun yaratib berilayotgan imkoniyatlar va yengilliklar, shuningdek Savdo-sanoat palatasining biznesni qo‘llab-quvvatlash va huquq va qonuniy manfaatlarini himoya qilshdagi vakolatlari hamda ko‘rsatiladigan xizmatlari to‘g‘risida ham batafsil maʼlumotlar berildi.

Uchrashuv savol-javob tarifasida davom etib, tadbirkorlar tomonidan bildirilgan muammo va takliflar muhokama etildi hamda ularning yechimi yuzasidan choralar belgilab olindi.

SSP matbuot xizmati