Sirdaryoda tadbirkorlar bilan uchrashuv bo‘lib o‘tdi

Savdo-sanoat palatasi Sirdaryo viloyati hududiy boshqarmasida "Tadbirkorlik rivoji uchun yangi taklif va tashabbuslar" shiori ostida uchrashuv bo‘lib o‘tdi.

Ushbu uchrashuvda O‘zbekiston Respublikasi Savdo-sanoat palatasi raisi o‘rinbosari Jamshed O‘roqov hamda tadbirkorlar muammosini o‘rganish bo’yicha ekspert guruhi a’zolari ishtirok etdi.

Ishchan ruhda kechgan uchrashuv davomida tadbirkorlar oldida turgan muammolar va ularni yechimi bo‘yicha takliflar o‘rtaga tashlanib, fikr almashildi. Muhokama qilingan masalalar yuzasidan amalga oshirilishi lozim bo‘lgan chora-tadbirlar belgilab olindi.