Savdo-sanoat palatasi Jizzax viloyati hududiy boshqarmasiga yangi rahbar tayinlandi

Joriy yilning 13 iyul kuni Savdo-sanoat palatasi Jizzax viloyati hududiy boshqarmasida O'zbekiston Savdo-sanoat palatasi raisining birinchi o'rinbosari Islom Jasimov hamda Jizzax viloyati hokimi birinchi o'rinbosari Abduvali Mustanov tomonidan boshqarma xodimlari ishtirokida y'ig'ilish o'tkazildi. 

Mazkur yig'ilishda Xasanov Rustam Ergash o'g'li Savdo-sanoat palatasi Jizzax viloyati hududiy boshqarmasi boshligi' etib tayinlandi. 

R.Xasanov 1993-yil Jizzax viloyatida tugʼilgan. Maʼlumoti oliy. 2016-yil Jizzax Politexnika Institutini tamomlagan. 

Tayinlovga qadar Jizzax viloyati hokimining qurilish, kommunikatsiyalar, kommunal xo'jalik, ekologiya va ko'kalamzorlashtirish masalalari bo'yicha o'rinbosari kotibiyatining mudiri lavozimida faoliyat yuritgan.

Shuningdek, yig'ilishda Savdo-sanoat palatasi faoliyatini takomillashtirishda hududiy boshqarmaning o'rnini yanada oshirish vazifalari to'g'risida so'z yuritildi va ushbu vazifalarni bajarishda yangi tayinlangan rahbarga alohida ishonch bildirildi.

SSP Matbuot xizmati