O‘zbekiston va Hindiston o'rtasidagi o'zaro hamkorlik istiqbollari muhokama qilindi

Joriy yilning 1 avgust kuni Savdo-sanoat palatasi raisi Davron Vaxabov va Hindiston Savdo-sanoat palatalari federatsiyasi (FICCI) hammuassisi Debasmita Roy Chakraborti o'rtasida videokonferensaloqa formatida uchrashuv bo'lib o'tdi.

FICCI Hindistonning eng yirik oliy tashkiloti bo‘lib, uning tarkibiga iqtisodiyotning turli tarmoqlaridagi 300 mingdan ortiq a’zolar, shuningdek, xalqaro kompaniyalar va mintaqaviy savdo palatalari kiradi.

Mazkur uchrashuvdan ko‘zlangan asosiy maqsad investitsiya, savdo-iqtisodiy, ilmiy, ta’lim va gumanitar sohalardagi hamkorlikni chuqurlashtirishdan iborat.

Uchrashuv davomida O‘zbekiston va Hindiston o‘rtasidagi sog‘liqni saqlash, farmatsevtika, turizm, zargarlik sanoati va axborot texnologiyalari kabi sohalardagi hamkorlik istiqbollari muhokama qilindi.

Uchrashuv yakunlari bo'yicha, investitsiya va savdo-iqtisodiy sohalardagi hamkorlikni kengaytirish maqsadida joriy yilning oktyabr oyida Toshkent shahrida ikki davlatning yetakchi tadbirkorlari ishtirokida biznes-forum va B2B uchrashuvlarni tashkil etishga kelishib olindi.

SSP Matbuot xizmati