Oʻzbekiston–Rossiya va Rossiya–Oʻzbekiston ishbilarmonlar kengashining 8-qoʻshma yigʻilishi

Qozon shahrida Oʻzbekiston–Rossiya va Rossiya–Oʻzbekiston ishbilarmonlar kengashining 8-qoʻshma yigʻilishi boʻlib oʻtdi. Tadbir O‘zbekiston va Rossiya mintaqalararo hamkorlikning uchinchi forumi doirasida boʻlib oʻtdi.

Oʻzbekiston–Rossiya ishbilarmonlar kengashi ikki mamlakat biznes doiralari orasida oʻzaro manfaatli sheriklik munosabatlarini oʻrnatish, qoʻshma investitsiya loyihalarini amalga oshirish, shuningdek, hamkorlik yoʻlida yuzaga keladigan masalalarga yechim topish maqsadida 2005-yilda Oʻzbekiston va Rossiya Savdo-sanoat palatalari negizida tashkil etilgan.

Yigʻilishda Oʻzbekiston Savdo-sanoat palatasi raisi o'rinbosari J.Urakov, Rossiya–Oʻzbekiston ishbilarmonlar kengashi raisi A.Kuzyayev va boshqalar ishtirok etdi.

Tomonlar ikki tomonlama hamkorlikning eng dolzarb va istiqbolli yo'nalishlari haqida to'xtalib, O‘zbekiston va Rossiya mintaqalarining savdo-iqtisodiy va sarmoyaviy salohiyati haqida so‘z yuritdilar.

Uchrashuvda Oʻzbekiston–Rossiya ishbilarmonlar kengashining oʻtgan davrdagi faoliyati yakunlari hamda kelgusi davrdagi vazifalari, tashqi savdo hamkorligining istiqbolli yoʻnalishlari hamda ikki mamlakat korxona va tashkilotlari oʻrtasidagi tarmoqlararo hamkorlik masalalari koʻrib chiqildi.

Uchrashuv yakunlari boʻyicha vazirliklar, idoralar, hokimliklar, shuningdek, ikki mamlakat ishbilarmon doiralarining 400 nafar vakili ishtirokida G2B va B2B formatidagi uchrashuvlar boʻlib oʻtdi.

SSP matbuot xizmati