Ashxobod shahrida “Sog‘liqni saqlash, ta’lim va sport” ko‘rgazmasi bo'lib o'tdi

O‘zbekiston-Turkmaniston Ishbilarmonlar kengashining navbatdagi yig‘ilishi Ashxobod shahrida o‘tkazilishi munosabati bilan Turkmaniston Savdo-sanoat palatasi raisidan kelgan taklifga muvofiq, O‘zbekiston Savdo-sanoat palatasi delegatsiyasi joriy yilning 10-oktyabr kuni “Sog‘liqni saqlash, ta’lim va sport” ko‘rgazmasiga tashrif buyurdi.

Yillik ko‘rikda ishtirok etish uchun dori vositalari va tibbiyot buyumlari, tibbiy va sport anjomlari ishlab chiqarish, ta’lim texnologiyalarini rivojlantirishga ixtisoslashgan yetakchi xorijiy kompaniyalar taklif etildi.

Farmatsevtika sohasida faoliyat yuritayotgan o‘zbekistonlik tadbirkorlarimiz ko‘rgazma doirasida tashkil etilgan qator B2B uchrashuvlarda qatnashdilar.

Bugun, 11-oktyabr kuni, Ashxobod shahrida O‘zbekiston-Turkmaniston Ishbilarmonlar Kengashining uchinchi yig‘ilishi bo‘lib o‘tadi.

SSP matbuot xizmati