Jahon banki vakillari bilan uchrashuv

Joriy yilning 4-dekabr kuni O'zbekiston Savdo-sanoat palatasida Jahon bankining vakillari Yerali Beksultan, Yevgeniy Yevdokimov, Aleksandr Tsoy va Farrux Aminov bilan uchrashuv tashkil etildi.

Uchrashuv Jahon Bankining “O‘zbekiston milliy innovatsion tizimini modernizatsiya qilish” (MUNIS) loyihasi doirasida bo'lib o'tdi.

Uchrashuvdan maqsad Jahon banki tomonidan startap va tijoratlashtirish loyihalariga ajratiladigan grant mablag‘larini O'zbekiston Savdo-sanoat palatasi bilan hamkorlikda amalga oshirish.

Suhbat davomida Jahon banki vakillari tomonidan MUNIS loyihasining mazmun-mohiyati tanishtirilib, hamkorlikdagi muhim masalalarga e'tibor qaratildi.
 
Uchrashuv yakunida O'zbekiston Savdo-sanoat palatasi raisi o'rinbosari v.b. Umidbek Safarov o'z fikr-mulohazalarini bildirib o'tarkan, ushbu hamkorlik masalalarini alohida nazoratga olishini bildirdi.

SSP matbuot xizmati