Davron Vaxabov JETRO Tashkent vakolatxonasi vakillari bilan uchrashdi

O'zbekiston Savdo-sanoat palatasi raisi Davron Vaxabov JETRO Tashkent vakolatxonasining bosh direktori Jun Takaxashi va biznesni rivojlantirish bo’yicha hududiy koordinatori Dilfuza Arifxo‘jaeva bilan uchrashdi.

JETRO (The Japan External Trade Organization) — Yaponiyaning davlat tashkiloti bo'lib, uning asosiy vazifasi savdo va investitsiya faoliyatini rivojlantirishdir. Ushbu tashkilot Yaponiya hukumati tomonidan 1958 yilda tashkil etilgan. 

Uchrashuvda o'rta va kichik biznesni takomillashtirish maqsadida sanoat hamda boshqa sohalardagi hamkorlikni rivojlantirishga qaratilgan bir qator masalalar muhokama qilindi.

Shuningdek, Yaponiyaning JETRO tashkiloti bosh direktori Jun Takaxashi 2024-yilning yanvar oyida Yaponiya iqtisodiyot, savdo va sanoat vaziri boshchiligidagi delegatsiya tashrifi amalga oshirilishi kutilayotgani va tashrif doirasida O'zbekiston-Yaponiya biznes-forumi o'tkazilishi rejalashtirilayotgani to'g'risida ma'lum qildi.

SSP matbuot xizmati