O‘zbekistonda 20 ming tadbirkor — 500 ming malakali mutaxassis dasturi amalga oshirilmoqda

Unga 2023−2024 yillarda jami $1 mlrd ajratilib, tadbirkorlarga loyiha ahamiyatiga qarab, amaldagidan past foizlarda va uzoqroq muddatga kredit beriladi.

Bu mablag‘lar hisobidan kambag‘al oilalar a’zosini kasbga o‘qitib, ishli qilish bo‘yicha loyiha ahamiyatiga qarab, amaldagidan past foizlarda va uzoqroq muddatga kredit beriladi.

Shuningdek, tadbirkorning “amaliy monomarkaz” tashkil qilish va jihozlash hamda kasbga o‘qitish xarajatlari to‘liq qoplab beriladi.

Dastur ishtirokchilariga alohida imtiyozlar

Dasturda ishtirok etadigan tadbirkorlarga soliqlardan alohida imtiyozlar beriladi.

Xususan:
– kamida 20 foiz "Ijtimoiy himoya yagona reyestri”ga kiritilgan fuqaroni bir yil davomida ish bilan taʼminlasa, mol-mulk va yer soliqlaridan ozod qilinadi;
– kambagʻal oila aʼzosi daromad soligʻidan ozod qilinadi;
– 5 million soʻmgacha ish haqi toʻlayotgan tadbirkorlarga ijtimoiy soliq stavkasi 2 baravarga kamaytiriladi.

Shuningdek, dasturda qatnashadigan tadbirkorlar soliq va bojxona maʼmurchiligida yengilliklar oladi. 

Xususan:
– ular faoliyatida soliq tekshiruvlari oʻtkazilmaydi;
– ularga QQS, shuningdek, ortiqcha toʻlangan soliqlar tekshiruvsiz qaytarib beriladi;
– QQS boʻyicha guvohnoma muddatidan ilgari bekor qilinmaydi;
– barcha soliqlardan qarzdorlikni bir yilgacha kechiktirib toʻlash imkoni beriladi;
– bojxona toʻlovlarini sugʻurta kafolatisiz olti oyga boʻlib-boʻlib toʻlashga ruxsat beriladi.

Siz ham HAMKOR TADBIRKOR — my.chamber.uz  platformasi orqali ro'yxatdan o'tib, dastur ishtirokchisiga aylaning!