Tadbirkorlarga koʼrsatilayotgan davlat xizmatlari yuzasidan “sirli mijoz” tadbirlari oʼtkazildi

Elektr tarmoqlariga ulanishda tadbirkorlarga koʼrsatilayotgan davlat xizmatlari yuzasidan “sirli mijoz” tadbiri oʼtkazildi.

Oʼzbekiston Respublikasi Prezidentining “Mamlakatda biznes muhitini yanada yaxshilash va tadbirkorlikni qoʼllab-quvvatlash tizimini takomillashtirish chora-tadbirlari toʼgʼrisida”gi 2019 yil 20 noyabrdagi PQ-4525-sonli Qarorining 13-bandida “sirli mijoz” instituti qoʼllanilishi borasidagi ishlar boʼyicha Prezident Аdministratsiyasiga axborot berib borish vazifasi yuklatilgan.

Savdo-sanoat palatasi va uning hududiy boshqarmalari Аdliya vazirligining viloyat boshqarmalari bilan hamkorlikda elektr tarmoqlariga ulanishda tadbirkorlarga koʼrsatilayotgan davlat xizmatlari jarayoni yuzasidan joriy yilning II choragida jami 107 ta “sirli mijoz” tadbirlarini  oʼtkazdi.

Tadbirlar jarayonida tadbirkorlik subʼektlariga elektr tarmoqlariga ulanish sohasida koʼrsatilayotgan davlat xizmatlarining shaffofligi, tezkorligi hamda korruptsion holatlarga yoʼl qoʼyilishi kabi masalalarga alohida eʼtibor qaratildi.

Oʼrganish jarayonida amalga oshirilgan ishlar toʼgʼrisidagi maʼlumotlar Oʼzbekiston Respublikasi Prezident Аdministratsiyasiga va boshqa tegishli vazirlik va idoralarga yuborildi.

“Sirli mijoz” tadbirlari natijalari bilan ushbu havola orqali tanishishingiz mumkin: yuklab olish.